لخبطة

عني الصحيييح بدها وقفة...تقعد تفكر مع حااالك انت وين رايح بس بكفي والافكار تبدا تخبط براسك لحد ما تحس انه حينفجر مش مشكلة...لا مشكلة ومشكلة كبيييرة بتصفن شوي وبتبدا تدور الامور في مخك بتلاقي اوخ مش معقول هدا الانسان هو نفسه هداك ومش هيك لازم يكون ومش كدا الامور لازم تكون...رجعنا للخبطة مرة تانية

بدها اعادة نظر بتروي عشان الواحد ما بفكر الا وذهنه صافي...الدنيا هي الدنيا وكل اشي فيها جايز هادي هي القاعدة الاساسية اللي لازم تاقلم نفسك عليها عشان ماتتعب ابدا...الحياة كتاب وانحط وانت حتعييش لحظاته كل لحظة بلحظة يعني حتفرح وحتحزن وحتروح وحتيجي وحتحب وحتنحب وتضرب وتنضرب وتقوم وتقعد وتجرح وتنجرح وكل اشييييي...بس الفرق انه انت مابتعرف ايمتى هدي اللحظات حتصييير بس ازا بتاقلم نفسك انها حتصييير باي لحظة......تصدق بردو مش حيختلف معك اشي لانك انسان وربنا زي ما حط الك عقل تفكر فيه حط فيك قلب ومشاااعر يعني حتلاقي حالك بتتصرف بفطرتك مع الامووور ازا مبسووط حتضحك وتنبسط وازا حزين حتبكي وتكتئب بس الاهم تكون مدرك هدي الامور عشااان يعني مش مشكلة طول بالفرح شوي بس ما تطول بالحزن كتييير..

ياويييلي كمااان ازا بتحزن عشان اشي لما يعدي عليييه وقت تصييير تضحك على حااالك...صح انه بتصييير تحكي لحاالك عادي ما كنت حااسس بتفاهته وقتها بس هلقيييت حسيييت بس انتبه انك كان ممكن انك توفر عحالك هادي الكلمة بانك تفكر وقتها بطريقة مظبوطة

يعني انت مش بحاجة كتييير انه يكون عندك ذكرياات غبية هههه..او مراات بتكون مفيدة بتعطي حياتك طعم مختلف بس ما تكون كتيييرة

كل ما افكر باشي بحكي طزززز دايما بحكي انه هادي الكلمة رائعة والملفت انه لما بتحكيييها لاي شخص بتحس بمدى تاثير الحرفين هدول...بتقلب الامور راسا على عقب...مفيدة هادي الكلمة بحياتنا في كتييير من المواقف مش من مبدا سلبي لكن من مبدا "الدنيا دوارة مكسب على خسااارة" 

اللي بدي احكيييه لو نفسك باشي يصييير مش حيصييير الا ازا الله مقدر انه يصييير وازا نفسك اشي مايصييير كمان مش حيصييير الا ازا ربنا كاتب انه مايصييير ومع ذلك ربنا امرنا بالدعاء...ليييش؟؟؟ بسيطة لانه ربنا الوحيد العالم ازا كان الاشي حيصيير ولا لا مش انت ولا انا وبما انه الانسااان كل حياته عالنفسية فالدعاااء هو اللي بدعم هادي النفسية وبسااعدها عالرضا...يعني انت بتدعي باللي بدك اياااه وبتحكي يااارب ارزقني الرضا....لو صااار اللي بدك اياااه اكيييد بتكوون راضي ولو ما صار ربنا بستجيييب دعاءك بالرضا وبيمنحك رضا النفس عن الاشي رغم انه ماصااار...يعني ادعي واكيييد انت الكسباااان لو ايييش ماصااار

بالنهاية فلسفة مش فلسفة هي كلها فوضى وخربطة وقايمة ويااااااارب بحكييها بقوة وعااارفة اني حكووون راااضية بكل الاحواااال 

والسلاااام ختاااام وصلوا على خير الانام