كتير بحب شغلي بمشروع الاطفال كفاعلين اجتماعيين "بصمات" مع اني ما بحب المشروع نفسه ما بعرف ليش بس اللي محببني فيه الاطفال الرائعين اللي بشتغل معهم. انشالله نكون انا وزميلي قدرنا نترك بصمة بحياتهم. الصحيييح بجوز كنت مفكرة انه الانشطة اللي فيها دمج كانت قليلة واول التصوير الخاص بحلقة برنامج "علي صوتك" اجاني احساس ما اشتغلت اشي بس بعترف اني الاحساس هادا كان غلط لانه بعد ما شفت الاشي من بعيد في الفيلم حسيت اني مبسوطة جدا اني كملت بالمشروع من احساسي بحب الاطفال لبعض وانهم طبيعيين بردات فعلهم والطبيعي يكون في خربطة وهادا اللي باكدلك انهم اطفال حلوين ومبسوطين...أطفال بستاهلوا حياة منيحة وأطفال حسوا انه الهم دور انهم يحسوا بدورهم...يارب تعيننا على اداء واجبنا تجاههم ... مش عارفة ايش بهالدنيا بصير بس متأكدة اني حشتاقلكم كتيييييييييييييير....وهادي الكلمات مخصوص مني الكم :)
بدي اشارك بدي اتعلم
اعبر عن رايي واتكلم
يسمعوا صوتي وينسوا سكوتي
مضلش وحدي اتالم
اعرف حقي وواجباتي
اقدر اتحكم بحياتي
اقدم شكوة في اللي اذاني
اوقف قدامه واتظلم
احقق حلمي ابني واعمر
علشان وطني يكبر يتقدم
ازا سامعيني ومش عارفيني انا بحكيش شعارات
انا طفل فلسطيني مشارك في مشروع بصمات
كل الاطفال متساويين
ماتحكوا اسوياء ومعاقين
احنا زهقنا هالتصنيفات
وانتو لسة مختلفين
بدنا نكسر حاجز خوفنا
نقدر نتحدى كل ظروفنا
ندعم بعضنا ونكون ايد واحدة
بهيك نقدر نعيش مرتاحين
ازا سامعينا ومش عارفينا مبنحكيش شعارات
احنا اطفال مشاركين في مشروع بصمات
ليست هناك تعليقات:
إرسال تعليق